ذہنی دباؤ سے مقابلے کے لیے عملی مہارتیں سیکھیں۔

اگر آپ ذہنی دباؤ محسوس کر رہے ہیں، تو آپ اکیلے نہیں ہیں۔ اس وقت آپ کی کمیونٹی اور دنیا بھر میں بہت سے لوگ بھی ذہنی دباؤ سے نبرد آزما ہیں۔

زندگی کے دباؤ والے لمحات میں کچھ ایسے کام کیے جا سکتے ہیں جن سے ہمیں اور ہماری کمیونٹی کو سکون مل سکتا ہے۔

اس صفحے پر موجود وسائل آپ کو کچھ عملی مہارتیں فراہم کریں گے جنہیں استعمال کر کے آپ ذہنی دباؤ کے احساسات کم کر سکتے ہیں اور اپنی زندگی کے معیار کو بہتر بنا سکتے ہیں، حتیٰ کہ سب سے مشکل حالات میں بھی۔

Click here to see this page in English

دباؤ’ کا مطلب ہے زندگی سے پریشان یا خطرہ محسوس کرنا۔ ہر کوئی زندگی میں کسی نہ کسی وقت دباؤ محسوس کرتا ہے۔

ذہنی دباؤ بڑی خطرات کی وجہ سے ہو سکتا ہے، جیسے

• آپ کی کمیونٹی میں تشدد
• اپنے خاندان کی کفالت میں مشکلات
• اپنے گھر سے بے دخل ہونا
• جسمانی زیادتی یا چوٹ
• بیماری
• گھریلو تشدد
• اسکولوں اور دیگر سماجی سہولیات کا بند ہونا

یا یہ چھوٹی چھوٹی باتوں کی وجہ سے بھی ہو سکتا ہے، جیسے کہ:

• گھر کے افراد سے جھگڑے
• مستقبل کے بارے میں غیر یقینی صورتحال

ڈپریشن ایک عام مسئلہ ہے اور یہ کسی کو بھی ہو سکتا ہے۔ اچھی خبر یہ ہے کہ ڈپریشن کا علاج ممکن ہے اور اسے قابو میں لایا جا سکتا ہے، چاہے معاملہ کتنا ہی سنگین کیوں نہ ہو۔ ڈپریشن کی علامات میں شامل ہیں:

• موڈ میں تبدیلی، جیسے مایوسی، منفی سوچ، چڑچڑاپن یا احساس جرم
• سوچ میں تبدیلی، جیسے توجہ مرکوز کرنے، یاد رکھنے یا فیصلے کرنے میں دشواری، یا موت یا خودکشی کے خیالات
• رویہ میں تبدیلی، جیسے بے چینی یا معمول سے زیادہ آہستہ بولنا اور حرکت کرنا
• جسمانی تبدیلیاں، جیسے نیند میں دشواری یا بہت زیادہ سونا

وقتاً فوقتاً بے چینی محسوس کرنا معمول کی بات ہے، لیکن جب بے چینی آپ کی روزمرہ زندگی میں خلل ڈالنے لگے، تو یہ اس بات کی علامت ہو سکتی ہے کہ آپ کو اس کا حل تلاش کرنے کے لیے مدد حاصل کرنی چاہیے۔ بے چینی کی علامات میں شامل ہیں:

• دل کی دھڑکن کا تیز ہونا
• نیند میں دشواری
• توجہ مرکوز کرنے میں مشکل
• کر آنا، کمزوری محسوس ہونا یا سانس لینے میں دشواری
• منہ کا خشک ہونا یا زیادہ پسینہ آنا
• بخار کے ساتھ کپکپی ہونا
• مسلسل سن ہونا یا جھنجھناہٹ محسوس ہونا
• خوف کے احساسات جو آپ کی روزمرہ زندگی، کام یا گھریلو معاملات میں خلل ڈالیں

اگر آپ فوری طور پر ذہنی صحت یا طبی ماہر سے مدد حاصل نہیں کر سکتے، تب بھی آپ دباؤ، بے چینی اور ڈپریشن کے احساسات سے مثبت انداز میں نمٹنے کے لیے کچھ اقدامات کر سکتے ہیں۔

ذیل میں دیے گئے وسائل آپ یا دوسروں کو دباؤ، ڈپریشن اور بے چینی سے نمٹنے کے لیے معلومات اور عملی مہارتیں فراہم کرتے ہیں۔ شدید مشکلات کے باوجود، زندگی میں مقصد، معنی اور توانائی تلاش کرنا ممکن ہے۔